Wondsorg vir chroniese, hardnekkige wonde in Pretoria-Noord, Montana en die Moot — diabetiese voetulkusse, veneuse en arteriële onderbeenulkusse, gemengde onderbeenulkusse en gangreen. Basiese en gevorderde wondsorg, negatiewe drukterapie (VAC), arteriële hervaskularisasie en hiperbariese suurstofterapie by die Vaskulêre & Hiperbariese Eenheid, Life Eugene Marais Hospitaal, onder vaskulêre chirurg Dr Gregory Weir.
Die basiese beginsel van moderne wondsorg is om ’n ideale omgewing te skep waarin die wond die beste kans het om te kan genees
TIPE WONDE WAT ONS PRAKTYK HANTEER:
Diabetiese Voetulkusse
Wonde van die voete, voetsole en onderbene van pasiënte met diabetes. Hierdie wonde mag ontstaan weens ingekorte sensasie (neuropatie) of ingekorte arteriële toevoer (ischemie) of ’n kombinasie van bogenoemde (neuro-ischemie)
Veneuse Stase Ulkusse
Veneuse stase ulkusse is verantwoordelik vir die oorgrote meerderheid onderbeenulkusse. Dit ontstaan dikwels weens swak vloei van veneuse bloed vanuit die onderbene terug na die hart. Pasiënte het dikwels ’n geskiedenis van spatare en / of vorige diep veneuse trombose
Gemengde Onderbeenulkusse
Pasiënte met arteriële inkorting en veneuse inkorting, mag ook hardnekkige onderbeenulkusse ontwikkel, wat uitdagende wonde is om te behandel. Indien konserwatiewe wondsorg nie die nodige resultate oplewer nie, mag dit nodig wees om die arteriële toevoer te verbeter
Arteriële Ulkusse & Gangreen
Pasiënte met arteriële ulkusse het onvoldoende toevoer van suurstofryke bloed na die ledemate. Indien moontlik word hierdie pasiënt aanvanklik konserwatief behandel. Indien konserwatiewe wondsorg nie die nodige resultate oplewer nie, mag dit nodig wees om die arteriële toevoer te verbeter
DIAGNOSTIESE MODALITEITE TOT ONS BESKIKKING
BY DIE PRAKTYK
Kliniese Ondersoek & Hand-Doppler
’n Volledige mediese geskiedenis en kliniese ondersoek sal gevolg word deur ’n Doppler-ondersoek om te bepaal of die arteriële toevoer na die ledemaat voldoende is
Ultraklank & Dupleks-Doppler
In gevalle waar dit nodig geag word, kan arteriële en / of veneuse dupleks-Doppler ondersoeke gedoen word ten einde die kliniese diagnose te bevestig
Transkutane
Suurstofmeting
Ons het spesiale toerusting ten einde te bepaal presies hoeveel suurstof beskikbaar is op spesifieke areas op die liggaam. Dit kan gebruik word om te bepaal of daar voldoende suurstof beskikbaar is vir die wond om te genees
BEHANDELINGSMODALITEITE TOT ONS BESKIKKING BY DIE PRAKTYK
Basiese
Wondsorg
Al die werknemers by die praktyk is opgelei om basiese wondsorg te doen. Deurdat ons baie pasiënte hanteer, kan ons basiese wondsorg op ’n deskundige vlak aanbied. Ons het ook ’n span verpleegkundiges wat in assosiasie met die praktyk werk. Sommige van hulle doen selfs tuisbesoeke.
Gevorderde Wondsorg
Verskeie gevorderde wondsorgmodaliteite is beskikbaar, insluitende negatiewe drukterapie (VAC). Wanneer gevorderde wondsorg benodig word, betrek ons dikwels ons span wondsorgdeskundiges. Hierdie persone is verpleegkundiges met bykomende kwalifikasies ten einde gevorderde wondsorg te doen.
Arteriële Hervaskularisasie
Pasiënte met arteriële inkorting, wat nie na wense reageer op basiese wondsorg of gevorderde wondsorg nie, kan oorweeg word vir arteriële prosedures. Dr Weir is ’n Vaskulêre Chirurg en sal die opsies met die pasiënt bespreek en op die beste ingreep vir die spesifieke pasiënt, saam met die pasiënt besluit
Hiperbariese Suurstofterapie
Hiperbariese Suurstofterapie is internasionaal aanvaar as ’n toepaslike behandelingsmodaliteit vir pasiënte met komplekse wonde, wie nie na wense reageer op gevorderde wondsorg nie. Ons het twee hiperbariese eenhede in die praktyk en kan in geselekteerde gevalle die behandeling motiveer by u mediese fonds.
Gallery
Hier is ’n paar voorbeelde van wonde wat voorheen deur ons behandel was
U is meer as welkom om ons te kontak ten einde ’n afspraak te reël.
Neem asseblief kennis dat ons slegs pasiënte met mediese fondse kan hanteer. As u ’n “privaat”-pasiënt is, sonder ’n mediese fonds, sal ons u ongelukkig elders moet verwys.
Vaskulêre & Hiperbariese Eenheid · Life Eugene Marais Hospitaal
5de Laan 696, Les Marais, Pretoria, Gauteng, Suid-Afrika
Tel: 012 335 8651 · Sel: 061 520 4140
E-pos: [email protected]
WhatsApp: 061 520 4140
Vaskulêre En Hiperbariese Eenheid
Life Eugene Marais Hospitaal
Dr Weir het in 1993 gekwalifiseer as ’n mediese dokter. Hy het daarna gespesialiseer as ’n Algemene Chirurg. Hy het ’n genootskap voltooi en eksamens afgelê ten einde te kwalifiseer en te registreer as ’n Vaskulêre Chirurg in 2002. In 2003 het hy ’n genootskap in Trauma Chirurgie en Endovaskulêre Chirurgie afgelê in Sydney, Australië. Dr Weir is sedert 2004 in praktyk by die Eugene Marais Hospitaal. Hy het in 2007 ’n kursus afgelê in Hiperbariese Geneeskunde, waarna hy die Hiperbariese Eenheid oorgeneem het by Dr Frans Cronjé. In 2010 het hy ’n Internasionale Interdissiplinêre Wondsorgkursus voltooi.
Dr Weir het gespesialiseer in Vaskulêre Chirurgie, en is gekwalifiseer in Hiperbariese Geneeskunde en gespesialiseerde Wondsorg.
Dr Gregory Weir
Vaskulêre Chirurg
Branden de Jongh
Praktykbestuurder &
Hiperbariese Tegnoloog
Stefan Dippenaar
Finansiële Bestuurder &
Hiperbariese Tegnoloog
Renate Wannenburg
Wondsorgspesialis
Amanda Verwey
Wondsorgspesialis
Simone Ros
Wondsorgspesialis
Albert Hibbert
Wondsorgspesialis
Valana Skinner
Wondsorgspesialis
Alida Botha
Limfedeem-spesialis
Wat kan u doen as u nie toegang het
tot ’n Wondsorg-spesialis nie?
As u bogenoemde basiese wondsorg-protokol gevolg het en u wonde nie binne 7 dae verbeter het nie, benodig u ’n Wondsorg-spesialis!, vir gevorderde wondsorg.
As u wonde na 6 weke onder die sorg van ’n Wondsorg-spesialis nie na wense verbeter het nie, benodig u ’n konsultasie met ’n Vaskulêre Chirurg, of ’n ander toepaslike chirurgiese of ortopediese spesialis. Kontak ons as u nie seker is nie.
Alle pasiënte met gangreen moet onmiddelik verwys word na ’n Vaskulêre Chirurg!
Gereelde Vrae
Watter tipe wonde hanteer die praktyk?
Ons hanteer chroniese, hardnekkige wonde, insluitende diabetiese voetulkusse, veneuse stase ulkusse, gemengde onderbeenulkusse, en arteriële ulkusse en gangreen.
Waar is die praktyk geleë?
Ons is geleë by die Vaskulêre & Hiperbariese Eenheid, Life Eugene Marais Hospitaal, 5de Laan 696, Les Marais, Pretoria, en bedien Pretoria-Noord, Montana en die Moot.
Hanteer u privaat pasiënte sonder ’n mediese fonds?
Ons kan slegs pasiënte met aktiewe mediese fonds dekking hanteer. Privaat pasiënte sonder ’n mediese fonds sal ongelukkig elders verwys moet word.
Hoe gou behoort ’n chroniese wond te verbeter?
Met toepaslike basiese wondsorg behoort u binne ongeveer 7 dae verbetering te sien. Indien daar geen verbetering is nie, benodig u ’n wondsorg-spesialis. Indien ’n wond na 6 weke onder spesialis-sorg nie na wense verbeter het nie, benodig u ’n konsultasie met ’n vaskulêre chirurg of ’n ander toepaslike chirurgiese of ortopediese spesialis.
Waarvoor word hiperbariese suurstofterapie gebruik?
Hiperbariese suurstofterapie word internasionaal aanvaar vir komplekse wonde wat nie na wense reageer op gevorderde wondsorg nie. Die praktyk het twee hiperbariese eenhede en kan, in geselekteerde gevalle, die behandeling by u mediese fonds motiveer.
Wanneer is gangreen ’n noodgeval?
Gangreen — swart, dooie weefsel, gewoonlik van die tone, weens onvoldoende bloedvoorsiening — is altyd dringend. Alle pasiënte met gangreen moet onmiddellik na ’n vaskulêre chirurg verwys word.